Video: Myanmar president sapotim senis long constitutional (ABC News) Thein Sein,olpela armi general na wanpela long ol top member bilong armi gavman em ibin kontrolim Myanmar inap long 49 yars, i tok kamapim senis long constitution bai halavim wanbel tingting namel long olgeta pipol bilong kantri na em ino wanbel long ol lo i tambuim usait man or meri ilaik kamap president.
"I would not want restrictions being imposed on the right of any citizen to become the leader of the country," Thein Sein ibin toktok long wanpela televison brodcast long olgeta hap bilong kantri.
"At the same time, we will need to have all necessary measures in place in order to defend our national interests and sovereignty."
I luk olsem lida bilong oposison Aung Sang Suu Kyi, 68 krismas bilongen usait ibin lida bilong kamapim peace inap long 20-pela yar agensim military gavman aiting bai wanbel long despela toktok bilong president.
Insait long long ol mun ikam igo pinis Aung Sang Suu Kyi ibin soim laik long kamap president.
Long nau lo ino larim , Ms Suu Kyi i sanap resis long despela top wok long wanem tupela pikinini man bilongen tupela citizen bilong Britain.
Thein Sein, 68 krismas bilongen ino tokaut long sapos em bai pinis long politic long narapela ileckson long 2015, or seek em bai soim laik long istap yet.
Long constitution bilong Myanmar, parliament yet bai makim president na ino pipol.
Military yet bai tripela lain i sanap makim lower haus,senate na lawmakers we wanwan long ol bai makim usait candiadte bilong ol mas resis long wok president.
Parliament bilong Myanmar i makim pinis wanpela committee bilong raitim kamapim ol tingting long we bilong mekim ol senis long constitution,we ol itok olgeta samting nau istap long wansait tasol nau na em bai givim strongpela pawa tumas long military.
Despela committee i tok long trinde olsem em ibin kisim 323,110 ol tingting long 28,247 ol letter pastaim long laspela de ol ibin makim long namba 31 de bilong December bilong pipol i salim tingting bilong ol.
Oli ting despela committee bai givim ripot bilongen long narapela bung bilong parliament i bung em bai stat long 13 de bilong January.
Han Tha Myint, wanpela sinia member bilong National League for Democracy (NLD) pati bilong Ms Suu Kyi, itok NLD inogat wanpela bekim yet long despela toktok bilong president.
Reuters
http://www.information.myanmaronlinecentre.com/president-thein-sein-bilong-myanmar-sapotim-senis-long-constitution-mekim/
No comments:
Post a Comment